စီးပွားရေး လုပ်ငန်းသစ် စတင်ရာမှာ အရေးကြီးတဲ့ အချက်တစ်ခုကတော့ ကြိုတင်စီစဉ်ထားမှု ရှိဖို့နဲ့ အဲဒီ အစီအစဉ်အတိုင်း လိုက်လုပ်နိုင်မယ် စည်းကမ်းရှိဖို့ပါပဲ။ အခုမှစတင်တဲ့ လုပ်ငန်းသစ်တစ်ခုမှာ ပါဝင်ရတာဟာ အမြဲတမ်း စိတ်ဝင်စားဖို့ ကောင်းနေတာတော့ မဟုတ်ပါဘူး။ မကြာခဏ ဆိုသလို လုပ်ရမယ့် ကိစ္စတွေ လုပ်ဖို့ ကိုယ့်ကိုကိုယ် ဖိအားပေးဖို့ လိုပါတယ်။ အဲရစ်ရိုက်စ် (Eric Ries) ကတော့ သူရဲ့ စာအုပ်ဖြစ်တဲ့ “The Lean Setup” မှာ ဒီလိုရေးထားပါတယ်။ “ကျွန်တော် ဟာ ကျွန်တော်ရဲ့ ဆုံးရှုံးမှုတွေ၊ အောင်မြင်မှုတွေ နဲ့ တခြားလူတွေရဲ့ ဆုံးရှုံးမှုတွေ၊ အောင်မြင်မှုတွေ ကို လေ့လာရာက သိလိုက်ရတာကတော့ လုပ်ငန်းတိုင်းမှာ ရှိတတ်တဲ့ ပျင်းစရာ ကောင်းတယ် ဆိုတဲ့ အလုပ်တွေ၊ ကိစ္စတွေ ဟာ လုပ်ငန်းတစ်ခုရဲ့ အောင်မြင်မှု ဆုံးရှုံးမှု အပေါ် အကျိုးသက်ရောက်မှု အရှိဆုံး ဆိုတာပါပဲ။ စီးပွားရေး လုပ်ငန်းသစ်တစ်ခု စတင်ရာမှာ အောင်မြင်တယ် ဆုံးရှုံးတယ် ဆိုတာဟာ ပါရမီ ပါလာတာတို့၊ အချိန်ကောင်း နေရာကေင်းရသွားတာတို့ မဟုတ်ပါဘူး။ တိကျတဲ့ လုပ်ပုံလုပ်နည်းတွေ ကို လိုက်နာခြင်း အားဖြင့် စီးပွားရေး လုပ်ငန်းသစ်တစ်ခု အောင်မြင်အောင် လုပ်နိုင်ပါတယ်။ ဆိုလိုတာကတော့ လုပ်ငန်းသစ်တစ်ခု အောင်မြင်စေတဲ့ နည်းလမ်းတွေ ကို သင်ယူလို့ရပါတယ်။ သင်ပေးလို့ရပါတယ်။”
အမှားတွေ မကြာခဏ မလုပ်မိအောင် ကြိုးစားတာ သင်ယူတာဟာ အဲဒီ “လုပ်ငန်းသစ်တစ်ခု အောင်မြင်စေတဲ့ နည်းလမ်း” ဆိုတာထဲက တစ်ခုပါပဲ။ အောက်မှာ ရေးထားတာကတော့ စီးပွားရေး လုပ်ငန်းတစ်ခု စတင်ရာမှာ ရှောင်ရှားသင့်တဲ့ အမှား ကိုးခု ပါပဲ။

၁။ လုံလောက်တဲ့ ငွေကြေး မသုံးစွဲခြင်းနဲ့၊ ငွေကြေး အလွန်အကျွံ သုံးစွဲခြင်း
လုပ်ငန်းသစ်တစ်ခု စတင်တဲ့ သူတစ်ယောက် အနေနဲ့ ပိုက်ဆံက ခင်ဗျားအတွက် အကြီးအကျယ် စဉ်းစားရတဲ့ ကိစ္စပါပဲ။ အချိန် မတိုင်ခင် သုံးလိုက်တဲ့ ပိုက်ဆံဟာ အလဟဿ ဖြစ်ဖို့များပါတယ်။ အဲဒီအတွက် ပိုက်ဆံ ရှာဖွေတာနဲ့ ပိုက်ဆံ စုဆောင်းတာဟာ တခြားကိစ္စတွေ အားလုံးထက် ဦးစားပေး ကိစ္စ ဖြစ်သွားတတ်ပါတယ်။ ဒီနေရာမှာ ကျွန်တော်တွေ့လေ့ ရှိတဲ့ အတွေးလမ်းကြောင်း နှစ်ခု ရှိပါတယ်။ တစ်ခုက “ ပိုက်ဆံ ရှာဖို့ အတွက် ပိုက်ဆံ သုံး ကို သုံး ရမယ်” ဆိုတာ ဖြစ်ပြီး၊ နောက်တစ်ခုကတော့ “ကျွန်တော် လုံလောက်တဲ့ ဝင်ငွေ ရတဲ့ အထိ အနိမ့်ဆုံး လိုအပ်ချက်ကိုပဲ သုံးသွားမယ်” ဆိုတာပါပဲ။
အခုပြောခဲ့တဲ့ တွေးခေါ်ပုံ စိတ်နေစိတ်ထား နှစ်မျိုး စလုံးဟာ တစ်ဖက်ဖက်ကို အစွန်းရောက်သွားမယ် ဆိုရင် လုပ်ငန်းကို ဒုက္ခပေးနိုင်ပါတယ်။ ကိုယ့်ရဲ့ ရင်းနှီးမြုပ်နှံငွေကို ဥာဏ်ရှိရှိ အသုံးချပါ။ ဒါပေမယ့် လူတော်လူကောင်းတွေနဲ့ အရည်အသွေး ကောင်းတဲ့ ပစ္စည်းတွေ အတွက် ရင်းနှီးမြုပ်နှံဖို့ကိုတော့ ကြောက်မနေပါနဲ့။ ဒါဟာ ရေရှည်အတွက် တကယ်ကောင်းစေတဲ့ အကျိုးရှိစေတဲ့ ကိစ္စပါ။

၂။ ကိုယ့်မှာ တစ်ပုံစံတည်းတူတဲ့ ပြိုင်ဘက် မရှိဘူးလို့ ထင်မြင်ခြင်း
ကုန်ပစ္စည်းသစ် ဒါမှမဟုတ် စီးပွားရေး ပုံစံသစ် ပြုလုပ်ခြင်းကြောင်းရတဲ့ စိတ်လှုပ်ရှားမှုတွေဟာ စွန်ဦးတီထွင်သူတွေကို သူတို့အတွက် ပုံစံတူ ပြိုင်ဘက် မရှိဘူးလို့ ထင်လာစေပါတယ်။ ဒါမှမဟုတ် သူတို့ရဲ့ ကုန်ပစ္စည်းဟာ တခြားလူတွေရဲ့ ပစ္စည်းထက် ခေါင်းတစ်လုံး မက သာနေတဲ့အတွက် သူတို့ဟာ သူတို့ သီးသန့် တန်းတစ်ခုမှာ ရပ်တည်တယ် လို့ ထင်စေပါတယ်။ တကယ်တမ်း လက်တွေ့မှာတော့ ကိုယ်နဲ့ တိုက်ရိုက် ဆက်စပ်တဲ့ ပြိင်ဘက် မရှိတဲ့ လုပ်ငန်း ဆိုတာ အင်မတန်ကို ရှားပါတယ်။ ခင်ဗျား က လုံးဝကို မရှိသေးတဲ့၊ မပေါ်ဖူးသေးတဲ့ ပစ္စည်းအသစ်တစ်ခုကို ထုတ်လုပ်နေတာ မဟုတ်ဘူး ဆိုရင်တော့ ခင်ဗျားရဲ့ ဈေးကွက် ဝေစုကို ခွဲယူမယ့် လူတစ်ယောက် ရှိနေမှာပါပဲ။ ခင်ဗျား မှာ တာဝန် ရှိတဲ့အတိုင်း ခင်ဗျားရဲ့ ပြိုင်ဘက်တွေက ဘယ်သူတွေလဲ ဆိုတာ လေ့လာပြီး ခင်ဗျားရဲ့ လုပ်ငန်းကို သူမတူအောင် ဘယ်လို လုပ်လို့ရမလဲ ဆိုတာကို စဉ်းစားပါ။

၃။ အလုပ်အတွက် လိုအပ်တဲ့ ဝန်ထမ်း ခန့်ထားမှုကို ကုန်ကျစရိတ်ပေါ် အခြေခံပြီး ပြုလုပ်ခြင်း
ဒါဟာ နံပါတ်တစ် အချက်နဲ့ တိုက်ရိုက် ဆက်စပ်နေပါတယ်။ ဒါပေမယ့် ဒီအချက်က အရမ်းကို အရေးကြီးတဲ့အတွက် အချက်တစ်ခု အနေနဲ့ ခွဲပြီး ရေးထားတာပါ။ တကယ်လို့ ရင်းနှီးမြုပ်နှံငွေတွေ ကျပ်တည်းလာပြီ ဆိုရင် လူသစ်ရှာတဲ့ နေရာမှာ ကုန်ကျစရိတ်ကို ချွေတာ ဖို့ ကြိုးစားကြပါတယ်။ ဒီလို လုပ်တဲ့ နည်းလမ်းရဲ့ ပြသနာက ဘယ်လိုပဲ လုပ်လုပ် နောက်ဆုံးမှာတော့ ရေရှည်အတွက် ဆုံးရှုံးတာပါပဲ။ လခနည်းတဲ့ ဝန်ထမ်းတွေ အကြံပေးတွေဟာ ပုံမှန်အားဖြင့် ဈေးသက်သာရတဲ့ အကြောင်းအရင်း ရှိပါတယ်။ သူတို့ဟာ အများအားဖြင့် အတွေ့အကြုံမရှိတာ၊ ကျွမ်းကျင်မှု မရှိတာ၊ မျက်နှာလွှဲ လို့မရတာ တစ်ခုခု (ဒါမှမဟုတ်) သုံးခု စလုံး လဲ ဖြစ်နိုင်ပါတယ်။

၎။ ဖြစ်နိုင်တဲ့၊ ရယူနိုင်တဲ့ ဦးတည်ချက် မရှိခြင်း
လုပ်ငန်းသစ် စတင်သူတွေဟာ သူတို့ရဲ့ ကြီးမားတဲ့ စိတ်ကူး အပေါ်မှာ အခြေတည်ပြီိး လုပ်ကြပါတယ်၊ တိကျသေချာတဲ့ လမ်းကြောင်း အစီအစဉ် မရှိဘဲ လုပ်တတ်ကြပါတယ်။ ဒါပေမယ့် တကယ်တမ်း လက်တွေ့မှာတော့ ခင်ဗျားအနေနဲ့ အောင်မြင်ဖို့ ဆိုရင် တိကျသေချာ သဘာဝ ကျတဲ့ တကယ် ရယူနိုင်မယ် ဦးတည်ချက်၊ အောင်မြင်မှု ကို သတ်မှတ်ထားရပါမယ်။
ကိုယ့်ရဲ့ ရေတို၊ ရေရှည် ဦးတည်ချက်၊ ကို ချရေးပါ။ ရေးတဲ့ အခါမှာ တိတိကျကျ ဖြစ်ပါစေ။ ဥပမာ “ငါ ဒီနှစ်ထဲမှာ ပိုက်ဆံ သိန်း ၁ သောင်း ရအောင် လုပ်မယ်ဆိုတာမျိုး” မရေးပါနဲ့၊ သဘာဝကျတဲ့ ရည်မှန်းချက် ဦးတည်ချက် ထားပါ။ ပြီိးတဲ့အခါ အဲဒီကို ရောက်ဖို့ ဘယ်လို နည်းလမ်းနဲ့ သွားမယ် ဆိုတာကို တိတိကျကျ သတ်မှတ်ပါ။

၅။ ဈေးကွက် ရှာဖွေခြင်း၊ မားကက်တင်း နဲ့ပါတ်သက်လို့ မတွေးထားခြင်း
“ခင်ဗျားသာ တည်ဆောက်လိုက်၊ တခြားသူတွေ လာဝယ်ကြမှာပဲ” ဒါဟာ လုပ်ငန်းသစ် စတင်သူတွေ ရဲ့ ကြားထဲမှာ ပုံမှန်အားဖြင့် ယုံကြည်ထားကြတဲ့ အချက်တစ်ခုပါပဲ။ သူတို့ ထင်တာက သူတို့ရဲ့ ကုန်ပစ္စည်းဟာ အရမ်းကို တီထွင်မှု အသုံးကျမှု ကောင်းလွန်း နေတဲ့ အတွက် အသုံးပြုသူတွေကြားထဲမှာ တစ်ယောက်စကား တစ်ယောက်နား ဆိုသလို ပြန့်ပွားသွားမယ် လို့ ဖြစ်ပါတယ်။
တကယ်တမ်း လက်တွေ့မှာတော့ လုပ်ငန်းသစ်တွေရဲ့ အများစု (အားလုံးနီိးပါး) ဟာ ကြော်ငြာလုပ်ငန်း၊ မားကက်တင်း လုပ်ငန်းမှာ ရင်းနှီးမြုပ်နှံကြရပါတယ်။ မားကက်တင်း ဆိုတဲ့နေရာမှာ SEO (Google နှင့် ရှာဖွေရာတွင် အဆင်ပြေစေရန် ပြုလုပ်ခြင်း)၊ အင်တာနက် မားကက်တင်း၊ လူအများနှင့် ဆက်ဆံမှု အခပေး ကြော်ငြာ အစရှိတာတွေ အားလုံး ပါပါလိမ့်မယ်။ ကိုယ့်ရဲ့ ပြိုင်ဘက်တွေ ဘယ်နေရာမှာ ပိုက်ဆံ အသုံးပြုနေလဲ ဆိုတာကို လေ့လာပါ၊ ပြီးတော့ ကိုယ့်ကိုယ်ကို ဘယ်လို အဲဒီထက် ပိုကောင်းအောင် လုပ်မလဲ ဆိုတဲ့ မေးခွန်းမေးပါ။

၆။ အမြတ်အစွန်း အလွန် နည်းပါးခြင်း
လုပ်ငန်း ရှင်သန်နိုင်လောက်တဲ့ အမြတ်ငွေ ရရှိနေဖို့က ခင်ဗျားရဲ့ လုပ်ငန်း အောင်မြင်မှု အတွက် အလွန်ပဲ အရေးကြီးပါတယ်။ အခု အချိန်မှာ အမြတ်အစွန်း အလွန်အမင်း လျော့ချထားတာဟာ ရေရှည်မှာ ခင်ဗျားအတွက် ပြသနာတွေ အများကြီိး ဖြစ်လာနိုင် ပါတယ်။ နောက်ပိုင်း ခင်ဗျား အနေနဲ့ ဈေးတင်ရမယ့် အချိန် ရောက်ရင် ခင်ဗျားရဲ့ ဖောက်သည်တွေအတွက် သိပ်ပြီး သဘောမကျ တာမျိုးတွေ ဖြစ်နိုင်ပါတယ်။

၇။ အားလုံးကို ကိုယ်တစ်ယောက်တည်း လုပ်နိုင်တယ် လို့ ထင်မြင်ခြင်း
လုပ်ငန်း အစမှာတော့ (တခြားဝန်ထမ်းတွေ ရှိပေမယ့်) ခင်ဗျားလောက် ဘယ်သူမှ ကောင်းအောင် မလုပ်နိုင်ဘူး လို့ ထင်တတ်တာဟာ ပုံမှန်ပါပဲ။ ခင်ဗျားအနေနဲ့က ခင်ဗျားရဲ့ ကုန်ပစ္စည်း၊ စီးပွားရေးပုံစံ ခေါင်းကစပြီိး ခြေဖျားထိ သိပါလိမ့်မယ်။ ပြီိးတော့ ခင်ဗျား တစ်ယောက်တည်းကသာ ခင်ဗျားရဲ့ လုပ်ငန်း အောင်မြင်စေဖို့ စိတ်ဝင်စားတဲ့ သူ လဲ ဖြစ်နေပါလိမ့်မယ်။ ဒါပေမယ့် ကိုယ့် လောက်ဘယ်သူမှ ကောင်းအောင် မလုပ်နိုင်ဘူး ဆိုတဲ့ အမြင်ဟာ၊ လုပ်ငန်းကို အားကုန်သွားစေတတ်ရုံသာ မက လုပ်ငန်း အောင်မြင်ဖို့ သိသိသာသာ ကို နှေးကွေး၊ အနှောက်အယှက်ဖြစ်စေတဲ့ အမြင်ပါ။ တွေးခေါ်မြော်မြင် တတ်တဲ့၊ လုပ်ငန်း အတွေ့အကြုံရှိတဲ့ အကြံပေး ဒါမှမဟုတ် ကူညီ စောင့်ရှောက်သူ တစ်ယောက်ရှိခြင်းဟာ ခင်ဗျားအတွက် အလိုအပ်ဆုံး ဖြစ်တဲ့ လုပ်ငန်း နဲ့ ဈေးကွက် ဦးတည်ချက် အယူအဆ ကို ရရှိစေပါတယ်။

၈။ “အကယ်၍ တစ်ခုခု ဖြစ်ခဲ့လျှင်…” ကို ကြောက်ရွံ့လွန်း၍ မစွမ်းဆောင်နိုင်ခြင်း
ရောဘတ်(အက်ဖ်)ကနေဒီ (Robert F.Kennedy – Former US President) က “အကြီးအကျယ် ကျဆုံးဖို့ မကြောက်တတ်သူတွေသာ အကြီးအကျယ် အောင်မြင်မှုရနိုင်ပါတယ်” ဟု ပြောခဲ့ဖူးပါတယ်။ လုပ်ငန်းသစ် စတင်ရတာ ခက်ခဲပါတယ်။ ပြီးတော့ ကြောက်ရွံနေတတ်တဲ့ သူတွေ အတွက် မဟုတ်ပါဘူး။ ဆုံးရှုံးမှာ ငြင်းပယ်ခံရမှာ ကြောက်တယ်ဆိုတာဟာ နားလည် လက်ခံနိုင်တဲ့ ကိစ္စတွေပါ။ ဒါပေမယ့် အဲဒီ ကြောက်ရွံ့မှုတွေကြောင့် ခင်ဗျား မလုပ်နိုင် မကိုင်နိုင် ဖြစ်နေတာကို ဘာမှ မလုပ်ဘူးဆိုရင်တော့ အဲဒီ ကြောက်ရွံ့မှုတွေက ခင်ဗျားရဲ့ လုပ်ငန်းတွေကို ပိုပြီး ခက်ခဲစေမှာပါ။ လူတိုင်းဖြစ်တတ်တဲ့ ကြောက်ရွံ့မှုတွေကို သတိထား ကြည့်တာဟာ ပထမဆုံး လုပ်သင့်တဲ့ အရေးကြီးတဲ့အချက်ပါ။ ဒီလို သတိထား ကြည့်ခြင်းအားဖြင့် တခြားလူတွေလဲ ခင်ဗျားလို ဖြစ်ဖူးကြလိမ့်မယ် ဆိုတာကို ပြန်သတိရမိပါလိမ့်မယ်။

၉။ ကုန်ပစ္စည်းကို ဦးစားပေး၍ အသုံးပြုသူများအား ဦးစားမပေးခြင်း
ကုန်ပစ္စည်းတစ်ခု ထုတ်လုပ်တဲ့အခါ၊ ဒါမှမဟုတ် စီးပွားရေးပုံစံ တစ်ခုသတ်မှတ်တဲ့အခါမှာ ခင်ဗျားအနေနဲ့ ဝယ်သူ ပထမ ဆိုတဲ့ စိတ်ဓါတ် ရှိဖို့ အရေးကြီးပါတယ်။ သို့သော်လည်း လုပ်ငန်းစတင်သူ အများစုဟာ ပိုက်ဆံရှာဖွေဖို့အတွက် အဓိက စဉ်းစားကြ တဲ့အခါ ရေရှည် တည်တံ့နိုင်တဲ့ စီးပွားရေး တစ်ခု ဖြစ်ဖို့အတွက် ကိုယ့်ရဲ့ အလုပ်အပေါ် ကျေနပ်တဲ့၊ ကိုယ်ဆီကပဲ ဝယ်တဲ့ ဖောက်သည်တွေ ရှိဖို့ အဓိက လိုအပ်တယ် ဆိုတာကို မေ့သွားတတ်ပါတယ်။

လုပ်ငန်း အသစ်တစ်ခုကို စတင်တည်ထောင် တာဟာ မလွယ်ပါဘူး။ အမှားဆိုတာဟာ ရှောင်လို့မရနိုင်တဲ့ လုပ်ငန်းရဲ့ အစိတ်အပိုင်း တစ်ခုပါပဲ။ ဒါပေမယ့် မှားတတ်တယ် ဆိုတာဟာ တခြားလူတွေ မှားပြီးသား ကိစ္စတွေကို နမူနာ မယူဘဲ ကိုယ်တိုင် မှားကြည့်ရမယ်လို့ ဆိုလိုတာတော့ မဟုတ်ပါဘူး။